عايد الشمري

احيان فيني شيء يصعب على البـوح
واحيان فيني بـوح يكـسـر سكوتـي

اكبر خطا لاصرت مجموعة جـروح
اول احاسيسـي تباشـيـر مـوتـي

حيره تعيش بداخلـي ويـن مـاروح
غربه تزعزع فـي حياتـي ثبوتـي

اشلون اعانـد جايرالحـزن والنـوح
اشلون اسولـف ياتباريـح صوتـي

مدام مخطي جاير الوقـت,, مسمـوح
جرحي اذا المخطي خشيـري بقوتـي

كم لي وانا عدي على فـال مدمـوح
كم لي وانا انسبها اليا بـرج حوتـي

لين انها عدت ورى الصبـر بنـزوح
باب المحال اشرع لها الدار,, فوتـي

واصبحت انا من فعلها غرغرة روح
تنزف جروح سكاتهـا فـي سْموتـي

وصارت مثل سرٍ على الناس مفضوح
لوتي نشرهـا بيـن مليـون لوتـي

لين الدلال بصبرهـا عافـت الفـوح
ماعـاد نصبـر ياللسـان الشموتـي

لازم انقط حرف الاشبـاه بوضـوح
ملـزوم اكـع عنـان هـرج فلوتـي

فعلا يعيش اللوح لـو تمدحـه لـوح
همه يشيل الصـوت هاتـو حتوتـي

ينهش قفى قرمٍ على الطيـب ممـدوح
نمام يطعـن فـي صـلاة القِنوتـي

قربه عـذاب وشوفتـه سـم ذابـوح
ياشيـن جـور سنينهـا والوقـوتـي

هذاك مالي فيـه صالـح ومصلـوح
وحسبي على من دخّلـه فـي بيوتـي

تدرون عاد بخير!!!نسكت عن البـوح
ومدري متى يشتاق صبـري لموتـي


م.ن